|
Brattvåg spelar sin siste kamp borte mot Sykkylven onsdag.
Bortesiger der, og dei er to poeng bak HaNo før det store
avgjerande lokaloppgjeret søndag på Brattvåg kunstgras. HaNo har
altså gjort sin del av jobben, og vann klart mot Sunnylven på
Rognebana.
Judith opna
Judith Vestavik skåra første omgang sitt einaste mål då ho lurte
seg inn bak backen sin og skåra sikkert. Pasninga frå Julie Longva
gjekk heilt gjennom forsvaret. Judith igjen, samt Kari Longva og
Linda Kristin Haram hadde gode målsjansar for heimelaget, men det
blei med den eine skåringa før pause. Sunnylven hadde ei heading
ved første stolpe som sin målsjanse den første omgangen.
Forsvaret med svar
på tiltale
Forsvaret til HaNo fekk peppar for innsatsen sist. Det inntrykket
retta dei verkeleg på denne gongen, med to omgangar det lyste
konsentrasjon av. I andre omgang blei HaNo det klart førande laget.
Kari fekk nye sjansar, medan Sunniva Tomren skaut frå langt hold
etter eitt minutt. Ballen traff måltjuven Trude Haram og gjekk i
mål. Generøst av Sunniva, typisk av spissen Trude!
Heimelaget sin
omgang
SIL gav ikkje heilt opp, og yppa seg med eit skot som Ann Iren
Austnes slo i stolpen. Dei var også åleine med Ann Iren etter sju
minutt, men den rutinerte målvakta sørgja for å kome ut og gjere
målet mindre, og angriparen skaut utanfor. Etter dette var det kun
HaNo. Kvarteret spelt etter pause stussa Trude gjennom Linda, som
skåra sikkert. 4-0 skåra Trude sjølv med eit godt plassert skot
ved første stolpe. Pasninga frå dagens HaNo-spelar Tone Austnes
var god. Marita Longva trygga ein solid 5-0 siger ti minutt før
full tid med si gode avslutning etter eit innlegg frå Sunniva
Tomren. Totalt sett ein godt gjennomført kamp av HaNo.
|
3. div, Rogne stadion, 23.09.07:
HaNo- Sunnylven jr* 5-0 (1-0)
Mål:
1-0 Judith Vestavik (22)
2-0 Trude Haram (46)
3-0 Linda Kristin Haram (60)
4-0 Trude Haram (73)
5-0 Marita Longva (81)
Dommar: Kjell-Erik
Slinning, Herd.
Dagens HaNo-spelar:
Tone Austnes
Juryens dom:
3 poeng: Tone Austnes
2 poeng: May Britt Longva
1 poeng: Elisabeth Longva
HaNo
(4-3-3)
Ann Iren Austnes
Tone Austnes
Julie Longva
Sybell Rogne
Elisabeth Longva
May Britt Longva
Ingrid Farstad
Sunniva Tomren
Judith Vestavik
Kari Longva
Marita Longva
Nytta
innbyttarar
Linda Kristin Haram
Trude Haram
Jill Alice Nogva
|
