HaNo måtte komponere eit nytt forsvar sidan Nina Tomren er ute resten av sesongen grunna lukkelege omstende, og stopperkollega Julie Longva var vekke i bryllaup. Men stopperduoen Jill Alice Nogva og Sybell Agathe Rogne spelte fokusert og botnsolid. På backane laga Tone Austnes og Elisabeth Longva svilukt på gummigranulata på Herdtun. Aggressiviteten var på topp. Heilt bakerst stod Ann Iren Austnes som ein vegg og dirigerte forsvaret godt.

HaNo-overtak
Judith Vestavik er tilbake for fullt i HaNo-drakta og markerte seg med ein gong på høgrekanten. Etter tre minutt la ho inn/skaut, og Kari Longva fekk nesten tåa ballen inn. Herd svara, og lobben til angriparen gjekk rett over HaNo-målet. Trude Haram avslutta etter 14 minutt, men keeper berga. May Britt Longva la inn frå venstre etter 20 minutt, men keeper kom ut og tackla Kari ureglementert. Frisparket sette Sunniva Tomren over. Herd kom gjennom forsvaret ein sjeldan gong etter 22 minutt, men Ann Iren kom ut og forstyrra nok til at avslutninga blei for svak. Linda Kristin Haram kom på slutten av omgangen rundt nokre gongar på kanten, men avslutningane blei det lite fres over. Marita Longva skaut rett før pause, og Linda "skåra", men dommaren annullerte korrekt for offside.

Herlig tidspunkt
Førsteomgangen var jamn med eit lite overtal i HaNo-sjansar. Heimelaget var derimot kvassast i starten av den andre omgangen. Joakim Austnes og trenarkollegaene for heimelaget ropte og mana til innsats, for dei såg det same som oss; Det verka som om Herd hadde mest krefter att. Dei dominerte dei første 20 minutta av omgangen, men dei kom ikkje til mange sjansane i det kompakte HaNo-forsvaret.  HaNo var sjeldnare på visitt mot Herd sitt mål. Då var det enormt befriande for HaNo at ein overgang enda med at Marita Longva sette ballen til høgre for målvakta frå om lag 14 meter og tok HaNo opp i leiinga!

Lagsiger
Etter skåringa fekk HaNo nye krefter, og kom spelemessig med att i kampen. Dei unge spelarane Elise Fugledal og Natascha Hoedemakers gav også friske krefter dei siste 25 minutta og viste at dei held nivået. Både Herd og HaNo, to gongar ved Linda, fekk relativt store målsjansar mot slutten, men det enda 0-1 på Herdtun. Laginnsatsen og vilja til å vinne denne kampen var framifrå. Innsatsmessig var dette årsbeste for HaNo. Samtlige spelarar stod fram og jobba for LAGET. Det er kjekt å ta med seg inn i haustsesongen. 

3. div, Herdtun, 19.08.07:

Herd-HaNo 0-1 (0-0)

Mål:
0-1 Marita Longva (67)

Dommar: Odd-Einar Svinøy, Herd
Gult kort: Linda K. Haram

Juryens dom:
3 poeng: Elisabeth Longva
2 poeng: Ann Iren Austnes
1 poeng: Tone Austnes 

HaNo (4-4-2)

Ann Iren Austnes

Tone Austnes
Sybell Rogne
Jill Alice Nogva
Elisabeth Longva

Judith Vestavik
Ingrid Farstad
Sunniva Tomren
May Britt Longva

Trude Haram
Kari Longva

Nytta innbyttarar
Linda Kristin Haram
Marita Longva
Natascha Hoedemakers
Elise Fugledal