|
Viktig siger til HaNo-damene I høve HaNo-dagane fekk HaNo-damene vise seg fram for eit talrikt publikum. Og dei fekk vise at dei kan spele god fotball, i alle fall første halvtimen av kampen. Høgt tempo og variert angrepsspel gav sjanse på sjanse, og laget leia fortent 3 – 0. Men så kom gjestane meir med og reduserte ein gong før pause og ein etter. Då tok kaptein og Dagens HaNo-spelar, Sunniva Tomren, ansvar og sette eit frispark flott i mål. Tre viktige poeng og framleis tabelltopp. HaNo serverte festfotball første halvtimen. Laget brukte banebreidda godt og opna gjesteforsvaret med presise innlegg og gode krossballar. Kari Longva skåra etter litt att og fram i gjestefeltet. Nummer to kom etter vakkert spel. Etter fleire trekk fekk Trude Haram ballen på venstrekanten, og det presise legget nikka Sunniva Tomren perfekt i nota. Trude Haram auka l til 3 - 0 då ho lobba over ein utrusande Marte Vatsaas i gjestemålet. Etter dette fall tempoet og gjestane kom framover på bana. Første reduseringa kom etter ein god prestasjon av Henriette Tandstad. Med ryggen mot mål vende ho seg fri og skaut overraskande over Ann Iren Austnes i HaNo-målet. Ander omgong vart langt frå så velspelt og temporik som første. Men Marita Årseth skapte spenning i kampen då ho fekk eit langt framspel, sprang frå HaNo-forsvaret, lurte målvakt Austnes og skåra nummer to for gjestane. Like etter fekk Camilla Aure sjansen til å utlikne, men god redning av Austnes berga HaNo. Eit direkte frispark til HaNo frå tjue meter skulle avgjere kampen. Kaptein Tomren, best på bana, brukte den gode skotfoten sin og sikre heimsiger med eit velplassert skot under tverrliggaren. Dermed kunne ein god dommar Navelsaker blåse av ein kortfri kamp. ”Ein svært bra første halvtime frå vår side. Sjeldan har laget spelt så godt!” Trenar Odd Einar Molnes nøgd med den perioden av kampen. ”Så vart det tregt. Unødvendig å lage det så spennande når vi hadde så god kontroll.” Neste kamp for HaNo-damene
er borte mot Fortuna2/Guard alt måndag. Med poeng til HaNo i den
kampen, vil framleis tabelltopp vere sikra. Med heimesiger vil
Fortuna2/Guard overta tabelltoppen. Møt fram og hei på damene til
HaNo!!
|
3. divisjon: |
 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
|
|
|