|
4. divisjon: HaNo tapte heime No spøker det verkeleg for nedrykk for HaNo. Heime mot Bergsøy gjekk laget nok ein gong poenglause av bana. |
|
|
Tekst og foto: Gunnar Standal ”Innsatsen er bra, men vi får ikkje til spelet vårt slik vi vil,” forklarte lagkaptein Lars Petter Haram etter kampen. ”Vi fekk til ein god første omgong, men så taper vi på slutten. Min feil det! Eg gjorde det enkelt for Skorpen.” Og det var sant. HaNo gjorde det enkelt for Frank Sverre Skorpen. To gonger fekk han gåver med HaNo-forsvaret, og to gonger skåra den rutinerte spissen. Kostbare personlege feil i forsvaret avgjorde kampen! Når det er sagt, skapte gjestane nok sjansar til å skåre mål på godt spel, men ein god Henrik Åkre i HaNo-målet vann fleire viktige duellar mann mot mann. Første omgong vart sjanserik og underhaldande. Begge lag fekk til gode angrep. Gjestane skåra først etter at Skorpen snappa eit forsøk på tilbakespel til målvakt Åkre. Så kom HaNo. Kenneth Ulla var nær fleire gonger etter gode innlegg frå Odd Einar Molnes. Men det vart Richard Hansen som utlikna då han lurte eit frispark frå Molnes i mål på bakre stolpe. Andre omgong vart mest midtbanekamp. Gjestane skapte mest, og det var ikkje ufortent at dei tok med tre poeng sørom Breisundet. Siste ti minutta hadde både Harald Haugen og Bjørnar Gundersen feite tilbod, men Åkre hindra større tap. HaNo ligg utsett til på tabellen. Likevel viser laget glimtvis positive takter. Situasjonen er ikkje håplaus. Mange gode, unge spelarar viser treningsiver og framgong frå kamp til kamp. Og framleis er det mange poeng som skal delast ut før hausten er omme. Då gjeld det at alle spelarane er villige til å sveitte for laget og gi alt i kampen for å berge plassen i divisjonen. Trenar Ulla og laget treng alle den støtte dei kan få. Der har publikum eit ansvar. Det var tynt på tribuna laurdag. |
HaNo – Bergsøy: 1 – 2 (1 – 1) |
 Innmarsj |
|
 Høg spelartettleik |
|
 Fransk Sverre Skorpen rundar Henrik..... |
|
 ...og set ballen i mål |
|
 Kenneth og Lars Petter "samheadar" |
|
 Asgeir kom til kort her |
|
 Kenneth skjermar ballen |
|
 Ove har fått seg ein god kompis! |
|
 Bra kvinneandel på dette publikumsbiletete! |
|
 Henrik spelte ein god kamp, og gjer her ei av fleire redningar. |
|
 Richard avklarer ein Bergsøy - corner |
|
 Jonas i duell med 2-målsskårar Skorpen |
|