Av: Gunnar Standal

Adrian Håbet spelte første kampen sin for Norborg etter overgong frå Brattvåg. Det gjorde han ved å skaffe gjestane tre nye poeng og sikker plass midt på tabellen. HaNo spelte jamt med gjestane, men laget slit med å ta poeng i jamne kampar. Dagens HaNo-spelar, Asgeir Nogva, forklarer det slik: ” Vi er litt for dårlege både i forsvar og angrep. Vi slepp inn lette baklengsmål, og greier ikkje å skåre på eigne tilbod.”

Nogva si oppsummering forklarer også tabellsituasjonen til HaNo. Laget ligg i botnen og kjempar med Stordal om å unngå sisteplassen. Med opprykk for vinnaren i 3. divisjon, kan det bli berre eit lag ned i femte.

Norborg er trygt plassert over midten av tabellen. ”Vi er godt nøgde med tre poeng i dag. Det var tungt,” forklarer målskårar Kristian Søviknes. Og det var ei tabbe i HaNo-forsvaret som gav Søviknes sjansen. Målvakt Bergheim stolte på forsvaret, og forsvaret trudde målvakta tok legget frå venstre. ”Takk,” sa Søviknes og knalla ballen i nettaket.

På ei regnvåt og glatt bane skapte laga få sjansar. Mykje av spelet gjekk føre seg på midtbana.

Medan gjestane hadde kontroll før pause, kom HaNo meir med i andre omgong. Det var ikkje ufortent då Lars Petter Haram utlikna med ei lekker skåring. Eit presist legg frå Asgeir Nogva susa i nota på heil volley.

Men så kom kalddusjen. Medan HaNo pressa på for å skaffe seg leiinga, fekk gjestane til ei perfekt kontring. Lang ball ut til Kristoffer Søviknes på høgrekanten, og presist inn til Håpet som lettar ballen roleg i nettet. HaNo prøvde å skape sjansar til utlikning. Nærast kom Lars Petter Haram i sluttsekunda, men skotet gjekk til side for mål. Alt i alt fortent siger til gjestane.

 Grei dømming av Tor Bjermeland, Herd

4. divisjon:

HaNo – Norborg: 1 – 2 (0 – 1)

Nordøy gras

Mål:
0 – 1 Kristian Søviknes ( 8 min)
1 – 1 Lars Petter Haram ( 70 min)
1 – 2 Adrian Håbet ( 77 min )

Dommar :
Tor Bjermeland, Herd

Gult kort :
Ove Otterlei, HaNo

Stjerner HaNo:
*** Asgeir Nogva
** Lars Petter Haram
* Audun Steen

Stjerner Norborg:
*** Roger Grytten
** Kristian Søviknes
* Tarjei Urkedal

Laget til HaNo:

Øystein Bergheim

Alf Kåre Longva
Michael Austnes
Richard Hansen
Thor Audun Steen

Odd Einar Molnes
Even Vestavik
Lars Petter Haram
Asgeir Nogva

Ove Otterlei
Stig Frode Longva.

Innhopp:

Kenneth Ulla
Jonas Longva
Vegard Halkjelsvik