HaNo Fotballklubb

Tredje siger for HaNo ”Dette var kjekt! Vi var tolmodige i forhold til kampopplegget vi var einige om. Vi våga å halde på ballen. Etter kvart fekk vi meir rom, og då kom sjansane og måla.” Kaptein og ”Dagens HaNo-spelar”, Lars Petter ”LP” Haram, var godt nøgd etter kampen. Og kaptein Haram hadde all grunn til å vere nøgd. HaNo spelte godt, særleg i andre omgong. Då var det berre eit spørsmål om kor stor sigeren skulle bli.
Av: Gunnar Standal HaNo hadde godt tak på kampen frå start. Jan Egil Ulla var frampå med gode skot, sameleis Stig Frode Longva. Men det var Lars Petter Haram som skaffa heimeleiing. Eit presist frispark frå Odd Einar Molnes styrte Haram i mål med hovudet. Gjestane hadde eit tilbod då Kjell D. Tangen fekk skyte hardt frå tjue meter, men tverrstonga hindra skåring. Ørskog flytta Nils Petter Dyrkorn frå stoppar til spiss etter pause. Dyrkorn markerte seg i opningsminuttet ved å nikke eit langt innkast i stonga og ut. Nærare kom ikkje gjestane. HaNo tok over, brukte banebreidda og skapte sjanse på sjanse. Asgeir Nogva spelte godt på venstrekanten, og Odd Einar Molnes heldt breidda på høgre. I midten jobba både Jan Egil Ulla og Stig Frode Longva godt for å skape rom. Mål nummer to kom etter fint spel. Asgeir serverte ballen til Stig Frode som skaut hardt og lavt får sytten meter. Målvakt Audun Sjøholt måtte gi retur, ein retur ”LP” vakent sette i nota. Nummer tre kom etter nok eit innlegg frå Asgeir på venstrekanten. Denne gongen knalla Stig Frode ballen direkte i nota på heil volley. Flott!! Og berre to minutt seinare avgjorde Stig Frode kampen ved å stupe ein ball i mål etter hjørnespark. LP fastsette sluttresultatet til 5 – 0 ved å skyte eit presist legg frå Stian Andre Haram i nettaket. Even Myrheim, Herd dømde konsekvent og godt. For første gong i år fekk HaNo spelet til å flyte. Dermed kom sjansane. Jan Egil Ulla og Stig Frode Longva jobba godt for å skape rom. Dei fekk god hjelp av gode Asgeir Nogva på venstrekanten og Odd Einar Molnes på høgresida som serverte eine presise innlegget etter det andre. LP kom i djupe løp frå midtbana og kom til avslutningar som resulterte i tre mål. Berre synd at Stordal-siger mot topplaget Godøy gjer at HaNo framleis ligg sist på tabellen. Dermed må laget vinne oppgjeret mot nettopp Godøy neste laurdag på Nordøy stadion.	4. divisjon: HaNo – Ørskog: 5 - 0 (1– 0) Nordøy gras Mål: 1 – 0 Lars Petter Haram ( 35 min) 2 – 0 Lars Petter Haram ( 53 min) 3 – 0 Stig Frode Longva ( 60 min ) 4 – 0 Stig Frode Longva ( 62 min ) 0 – 5 Lars Petter Haram ( 88 min) Dommar : Even Myrheim, Herd Gult kort : Kristoffer Sjøholt og Kurt Søvik, Ørskog Stjerner HaNo: * Lars Petter Haram Asgeir Nogva * Kenneth Ulla HaNo (4-4-2): 1. Henrik Åkre 2. Alf Kåre Longva 3. Kenneth Ulla 4. Michael Austnes 5. Richard Hansen 6. Odd Einar Molnes 7. Even Vestavik 8. Lars Petter Haram (kaptein) 9. Asgeir Nogva 10. Jan Egil Ulla 11. Stig Frode Longva. Innhopp: Thor Audun Steen, Cato Longva og Stian Andre Haram
Dommartrioen og kapteinane
Kaspara har vore på Aafk-kamp og lært at under innmarsjen skal du stå og klappe:)
Richard med full kontroll
Michael ryddar opp i eige felt
Even Vestavik spelte ein ny god kamp på HaNo si midtbane
LP i duell
Odd Einar med frispark. Skotet gjekk noko over
Odd Einar i fint driv på høgrekanten
Ein av mange store HaNo - sjansar i 2. omgang.
Stian Andre var henta heim frå militæret for å ta seg av sigersropet:)
Ein nøgd 3 - målsskåra etter kampen
Lars Petter sett inn 5-0 etter eit flott HaNo -angrep.
Stig Frode er klar til å stupe inn 4-0 - målet.