|
4. divisjon: Stranda knuste HaNo HaNo mangla sentrale spelarar før kampen mot topplaget Stranda. Kaptein Lars Petter Haram var ute med karantene etter tre gule. ”Aldri hatt karantene før. Det må vere alderen. Eg blir for sein inn i duellane!” forklarer LP med eit smil. |
|
|
Tekst og foto. Gunnar Standal Men LP og stoppar Michael Austnes hadde vore gode å ha laurdag. Kampen vart prega av topp mot botn. Stranda var klart beste laget kampen gjennom og vann fullt fortent. Kun dei fem første minutta av kampen var HaNo med. Då skapte heimelaget to sjansar framfor solide Thomas Hove i gjestemålet. Første redda Hove eit skot frå Odd Einar Molnes, så kom Asgeir Nogva akkurat for seint til å sette eit innlegg i nota. Deretter var det berre Stranda. Lage skaffa seg eit solid overtak på midtbana og spelte seg fram til tilbod etter tilbod. I første omgong greidde HaNo å halde målet reint – nesten. I siste minutt fekk Martin Espelund hjelp frå vinden då eit innlegg frå venstre dala i mål bak Henrik Åkre. Eit fåtallig publikum håpte på at HaNo skulle kome sterkare etter pausen med vinden i ryggen. Slik vart et ikkje. Stranda dominerte og var eit klart betre lag. Etter kvart som HaNo gjekk tom for krefter, rann baklengsmåla inn. Nummer to kom på eit hard skot under Henrik Åkre, nummer tre etter direkte frispark frå atten meter. Så avslutta tvillingbrørne Cato og Kim Vangen med effektive hjørnespark. Presist inn frå Cato til Kim på bakarste stolpe og pang i nota. Dermed er HaNo framleis i nedrykksposisjon – Stranda heng med i kampen om opprykk. God og konsekvent dømming av unge Matias Kringstad, Valder. Godt at det finst ungdom som satsar på dømminga. Så få sjansar har HaNo ikkje skapt på heimebane før. Midtbana makta ikkje å vere med i angrep slik at Ove Otterlei og Stig Frode Longva fekk ei håplaus oppgåve åleine mot eit godt gjesteforsvar. Skal ein ta poeng mot topplag må spelarane vise større vilje til å gå i duellar og gå på løp. Laurdag såg vi for lite vilje. Men det er berre å brette opp armane til dei neste tre kampane, to av dei heime. Framleis er det ni poeng å kjempe om. |
4. divisjon: |
 Stig Frode Longva prøver å halde på ballen |
|
 Mathias Kringstad |
|
 Stranda bar kapteinen sin på gullstol... |
|
 Asgeir testar skotfoten |
|
 Det stod ikkje på gode råd i pausa... |
|
 Kenneth er høgast i denne duellen |
|
 Asgeir Nogva og Thomas Rotset i ein av mange duellar |
|
 Alf Kåre Longva vinn denne duellen med Kato Vangen |
|
 Frisparket frå Martin Espelund snik seg inn i hjørnet. |
|
 Henrik ryddar opp i duell med Håkon Dalen |
|