1. omgang var spelemessig jamn, men med heimelaget som det mest effektive. Etter pause dominerte HaNo, skåra 5 mål, og vann fortent.

Det vart ei grei gjennomkøyring då Ravn og HaNo møtte kvarandre på Ravn stadion laurdag. Begge lag mangla ein del spelarar. HaNo hadde berre 12 mann disponible til kampen. Men alle 12 gjorde ein solid innsats, og kunne reise heim med 6-3 - siger i bagasjen. 

Ravn var det mest effektive laget i første omgang. Laget tok leiinga 2 -0 etter 2 dødballar som gjekk via ein HaNo - spelar og i mål. Kenneth Ulla heada inn eit innlegg frå Odd Einar Molnes før Ravn sette eit frispark direkte i mål til pauseresultat 3-1. 1. omgang var spelemessig jamn.

Etter pause dominerte HaNo kampen. Kenneth Ulla sette inn 3-2 på straffe, og 3-3 etter nytt innlegg frå Odd Einar "Veigar Pall" Molnes. Odd Einar hadde 4 målgivande, samt innlegget som førte til straffesparket i denne kampen. Ove Otterlei skåra ekte hat-trick siste halvtimen. Dei to første servert av Odd Einar, det siste av Stig-Erik. 

I tillegg hadde HaNo store sjansar til å skåre fleire mål. Både stolpeskot, headingar over frå 1 meter og situasjonar åleine med keeper. 

Ei fin økt for dei 12 som var med. Ekstra pluss til debutant Bjørnar Flem som imponerte på venstrebacken i dei 60 minutta han spelte.

Torsdag startar haustsesongen med bortekamp mot Rollon.

Ravn - HaNo 3-6 (3-1)
Ravn stadion
1-0 
2-0
2-1 Kenneth Ulla
3-1
3-2 Kenneth Ulla (straffe)
3-3 Kenneth Ulla
3-4 Ove Otterlei
3-5 Ove Otterlei
3-6 Ove Otterlei
Dommar: Oddbjørn Hatlehol, Brattvåg 


HaNo (4-4-2):

Henrik Åkre

Preben Lorgen
Michael Austnes
Audun Steen
Demir Haram

Odd Einar Molnes (k)
Cato Longva
Stig-Erik Nogva
Vegard Halkjelsvik

Ove Otterlei
Kenneth Ulla

Nytta innbyttarar:
Bjørnar Flem (debutant)