|
Hala sigeren i land i 2. omgang
|
Treningskamp måndag: Ellingsøy-HaNo 1-3. Michael Austnes heada HaNo i leiinga i første omgang, men heimelaget utlikna på straffe rett før pause. I andre omgang var HaNo klart best. Aleksander og Jan Egil, begge med etternamn Ulla, skåra for blåtrøyene.
|
Treningskamp, 26.03.12, Nes satdion:
Ellingsøy-HaNo 1-3 (1-1)
Mål:
0-1 Michael Austnes (9)
1-1 (44, straffe)
1-2 Aleksander Ulla (72)
1-3 Jan Egil Ulla (88)
Dommar: Rolf Eldevik, Ellingsøy- God kontroll på kampen.
HaNo spelte årets tredje treningskamp, og denne gongen var det avdelingskollega Ellingsøy som stod på andre banehalvdelen. Gultrøyene blir avdelingskollega med HaNo, der Vigra har stukke av til 5. divisjon grunna at Aksla har trekt laget. Det medfører at 6. divisjon avdeling 2 no står att med 7 lag, og det skal spelast trippel serie.
Uavgjort ved halvtid
HaNo gjekk hardt ut, og Michael Austnes skalla eit Odd Einar Molnes- frispark flott i mål før 10 minutt var spelt. HaNo heldt fram med å ha ballen mykje, men tempo framover var ikkje heilt godt nok til å skape dei store målsjansane ut omgangen. Defensivt var det solid- men heilt på tampen av omgangen kjem ein EIL-spelar laus, og blir felt av målvakt Sindre Longva. Straffa går trygt i mål, og dermed går laga til pause med 1-1.
Ballinnehav
Sindre er eigentleg utespelar, men vikarierte i mål i Henrik Åkre og Kenneth Ulla sitt fråver. Sindre var spesielt flink til å ikkje gi returar på skota frå Ellingsøy. Krevjande på dette føret! Forsvaret spelte elles ein svært solid og konsentrert 2. omgang, og heimespelarane slapp lite til. Framover kom eigentleg HaNo farlegare og farlegare til. Etter mykje ballinnehav også denne omgangen, kom også sjansane etterkvart. Kantane Jan Egil Ulla og Cato Longva blei velbrukt, og til slutt stemte innlegg og løp. Jan Egil drylte ballen inn i feltet, og innbyttar Aleksander Ulla tima løpet perfekt og tok HaNo til 1-2 leiing. Jan Egil krona ein aktiv og produktiv omgang med 1-3 heilt på slutten. Velplassert forbi keeper, og fortent tomålssiger til HaNo.
Seriestart er måndag 16. april. Før det skal HaNo trene seg i Nordøyhallen, samt to treningskampar mot SIF junior (tysdag om ei 8-dage), så Emblem i generalprøva 12. april.
HaNo: Sindre Longva- Robin V Haram, Per Kristian Klokk, Michael Austnes, Olve Steen- Preben Lorgen, Even Vestavik- Håkon Haram, Cato Longva, Odd Einar Molnes- Jan Egil Ulla. Nytta innbyttarar: Mads Uri, Aleksander Ulla, Demir Haram og Per Olav Sunde.
|
