|
Tung dag for HaNo damene.
|
Det vart ein tung dag på Nordøy stadion for HaNo damene mot Larsnes søndag.
|
Første omgang var ganske jamn i kampen som gjekk på Nordøy stadion søndag. Kampen bølga fram og tilbake utan dei heilt store sjansane til noko av laga.
Det var gjestelaget Larsnes som skulle få uttelling først. Etter 25 minutt kjem dei på skrå inn frå venstre, og det er berre nesten at HaNo sin gode keeper Siri greidde å stoppe skotet. 0-1 til Larsnes.
Laga spelar framleis ganske jamnt, men etter 40 minutt er det nok ein gong Larsnes som er frampå. Etter corner scorer dei med eit fint skot i lengste hjørnet.
I denne perioden får HaNo ikkje mindre enn 2 \"ekle\" skader, og blir derfor nøydde til å spele siste timen utan innbytarar. Dette fører til at dei blir liggande ganske lavt og satse på lange baller til ein einsam spiss.
Med det same andre omgang tek til er det akkurat dette som skjer. Kamilla spelar fri Anna på topp med ei fantastisk krempasning. Åleine med keeper gjer Anna alt rett og det sår 1-2 i kampen.
Like etter på fyrer før nemnte Kamilla av eit skot frå langt hald, og ballen smell i tverrliggaren bak ein utspelt Larsneskeeper.
Så tar kreftene forståeleg nok slutt for HaNo damene. Dei blir meir og meir baktunge, og det er Larsnes som får køyre kampen. Dei scorer etter 12,14,23 og 28 minutt. Dette betyr at Larsnes vinn 6-1.
Underteikna kan likevel ikkje seie anna enn at han er imponert over innsatsen til heimelaget. Med berre 7 friske spelarar den siste timen blir det tungt, men mykje godt arbeid blir lagt ned på bana.
HaNo: Siri, Trude, Jeanette, Sonja, Kamilla, Solveig, Nathalie, Anna og Anne Marte.
Mål HaNo: Anna 1
|
