|
Siger trass sjansesløsing
|
HaNo spelte ein god kamp borte mot Hødd jr. Forsvaret spelte årsbeste, og framover rulla HaNo godt opp med variert angrepsspel. Det som derimot ikkje var så bra var avslutningane. Gleda over tre poeng var stor, men HaNo burde vunne mykje, mykje meir!
|
Siger trass sjansesløsing
Hødd jr.- HaNo 0-1 (0-1)
Mål:Linda Kristin Haram (24)
Dommar: Richard Olsen, Ørsta IL
Juryens dom, HaNo:
3 poeng: Julie Longva
2 poeng: Vibeke Flem
1 poeng: Britt Tove Vedeld
HaNo spelte ein god kamp borte mot Hødd jr. Forsvaret spelte årsbeste, og framover rulla HaNo godt opp med variert angrepsspel. Det som derimot ikkje var så bra var avslutningane. Gleda over tre poeng var stor, men HaNo burde vunne mykje, mykje meir!
Odd Einar Molnes
HaNo var klare favorittar etter tabellen å rekne, men fråver frå spelarar og berre to innbyttarar gjorde at fleire var spent på førehand. Hødd jr. nytta to spelarar frå førstelaget i kvar omgang. Men eit bestemt HaNo-lag tok styringa. Ballbesittelsen var til klar HaNo-fordel første ti, og sjansane kom. Ei frisk Judith Vestavik varma opp venstresida og la igjen til Sunniva Tomren som skaut. Linda Kristin Haram kom inn på venstresida etter kvart og brukte få minutt på å gi HaNo leiinga. Sunniva med målgjevande pasning.
Spelemessig dominans
HaNo dominerte stort resten av omgangen, og vi brukar ikkje opp spalteplass på skildringar av kvar sjanse. For leiinga burde vore stor til pause. Linda fekk to sjansar til, Sunniva ein, og Britt Tove Vedeld muligheiter til å legge på. For det stod ikkje på innsats og evne til å spele ballen. HaNo greidde å vende spelet, og bevegelsen var god. Kantane kom med, og duellspelet hadde ein kontroll på overalt.
Solid forsvarsspel
Same lekse i andre omgang: Britt Tove hadde to sjansar frå kort hald, Trude Haram heada utanfor frå 3 meter. Linda kom fleire gongar åleine eller halvvegs åleine med keeper. Marita Longva og Judith fekk også sjansar. Kampen likna med andre ord på andre kampar tidlegare: HaNo fører, men skårer ikkje nok, og får baklengs og poengtap mot slutten. Men æra for at det ikkje skjedde skal eit konsentrert forsvar og målvakta ha. Anført av stopparane Julie Longva og Vibeke Flem var avklaringane og plasseringane gode, og kommunikasjonen og konsentrasjonen var på topp gjennom godt og vel 90 minutt.
HaNo (4-3-3):
Sybell Rogne- Tone Austnes, Julie Longva, Vibeke Flem, Jill Alice Nogva- Britt Tove Vedeld, Lise Tomren, Sunniva Tomren- May Britt Longva, Trude Haram, Judith Vestavik.
Nytta innbyttarar: Linda Kristin Haram og Marita Longva.
|
