|
HaNo sjanselause
|
HaNo kunne tatt leiinga, og dei yppa seg mot slutten av 1. omgang med stor sjanse på 2-1 til Herd. Men utanom det gjorde Herd som dei ville: Spelte ball, rulla opp og skåra ikkje mindre enn sju mål bak Stian Longva før dei gav seg.
|
HaNo sjanselause
4.div , Herdtun:
Herd-HaNo 7-2 (2-1)
Mål HaNo: Aleksander Eide og Stig Frode Longva
Dommar: Tor Ove Myrseth, FK Sykkylven
Juryens dom, HaNo:
3 poeng: Michael Austnes
2 poeng: Preben Lorgen
1 poeng: Aleksander Eide
HaNo kunne tatt leiinga, og dei yppa seg mot slutten av 1. omgang med stor sjanse på 2-1 til Herd. Men utanom det gjorde Herd som dei ville: Spelte ball, rulla opp og skåra ikkje mindre enn sju mål bak Stian Longva før dei gav seg.
Av Odd Einar Molnes
Longva var mannen med hanskar denne gongen etter at HaNo sine opphavlege målvakter ikkje har vore tilgjengeleg den siste tida. Stian Longva plukka rett nok sju ballar ut av nota, men kan ikkje lastast for stortapet. Herd starta kampen med eit voldsomt ballovertak, men produserte ikkje spesielt farlege sjansar. Det var faktisk HaNo som fekk det første store tilbodet, men åleine med målvakta skaut Stig Frode Longva utanfor.
God periode
Herd tok over igjen, og gjorde både 1 og 2-0 på gode avslutningar. I forkant av begge var avklaringane ikkje av god nok kvalitet. Trenartrioen Hansen/Haram/Longva gjorde nokre rokkeringar midt i omgangen som tok HaNo meir med i kampen igjen. Midtbana hang betre i hop, og høgrekant Stian Andre Haram snappa flott opp ei pasning etter 36 minutt. Han avanserte framover og spelte fri Aleksander Eide som skåra si første serieskåring for HaNo. Stian Andre kunne gjort 2-2 før pause, men avslutninga gjekk over.
Ball-i-hatt
I den andre omgangen fekk ikkje HaNo låne ballen mykje. Herd vendte spelet, rulla opp det eine angrepet etter det andre. HaNo sprang for det aller meste mellom, og i duellane framfor mål var Herd også best. Etter 70 minutt har Herd gjort 4-1, før Stig Frode Longva reduserer til 4-2 etter godt forarbeid av spissmakker Eide.
Stranda neste
12 siste minutta gjorde Herd tre mål som gav eit ganske stygt, men fortent sluttresultat sett med HaNo-auge. Det femte og sjette på corner og frispark, der duell-og markeringsstyrke ikkje var god nok. 7-2 blei sett inn på straffespark. Fredag kveld ventar Stranda heime, og då må ein forvente i eit meir tent HaNo-mannskap.
HaNo (4-4-2)
Stian Longva-Preben Lorgen, Michael Austnes, Kenneth Ulla, Audun Steen- Stian Andre Haram, Lars Petter Haram, Stig Erik Nogva, Vebjørn Steen- Stig Frode Longva, Aleksander Eide.
Nytta innbyttarar: Odd Einar Molnes, Jonas Longva, Vegard Halkjelsvik.
|
