Dramatisk i Spjelkavik
|
HaNo sitt damelag tapte 3-2 mot Spjelkavik i ein jamn kamp i kveld. Britt Tove og Emily laga måla for HaNo. Likevel var det eit beinbrot på HaNo sin gode spelar Elisabeth Longva 5 minutt før slutt som satte mest preg på HaNo-spelarane i kveld. Kampen vart stoppa i 20 minutt før ambulansen kom og fekk frakta Elisabeth trygt til sjukehuset.
|
HaNo spelte ein god kamp mot Spjelkavik onsdag. Spesielt fyrste omgang var HaNo det dominerande laget med mange flotte angrep. Spelarane var flinke til å kombinere og spesielt midtbana med Britt Tove i spissen styrte spelet godt. I forsvaret var det full kontroll, og både Elisabeth L og Vibeke var flinke til å styre firaren bak. HaNo vann sjansestatistikken 5-1.Likevel vart det med eitt mål. Det var signert Britt Tove og kom på eit flott skot frå langt hald etter 42 minutt. Før det hadde både Ane, Elisabeth L og Kari hatt gode sjansar.
2. omgang starta med eit ganske sterkt Spjelkavik-press. Dei skapte mange gode sjansar og fekk uttelling etter 60.minutt. Ein corner vart heada kontant i mål. HaNo tok tak og allereie etter 62 mintt vart det ny leiing til HaNo. Siri slår inn i feltet og Emily pressar forsvaret til å gjere feil. Dei avklarar rett i beina på ho og ballen går i mål.
Dette skulle likevel verte Spjelkavik sin omgang. Dei kombinerte betre enn HaNo og dei utlikna på nytt etter 68 minutt. Eit frispark frå 17-18 meter går via muren så i ein HaNo-forsvarar og så i mål. I denne situasjonen var HaNo svært uheldige.
Siste målet kom etter 78 minutt. Ein Spjelkavikspelar får stå åleine og skyt ballen kontant i nettet.
HaNo la no om i eit forsøk på å utlikne. Elisabeth L var sett fram på høgreflanken, men allereie etter eit par minutt var ho uheldig i kamp om ballen. Elisabeth vart liggande, og det var tidleg klart at det var eit beinbrot.
Kampen vart stoppa i påvente på ambulanse. HaNo vil gi ros til Spjelkavik for måten dei hjelpte til på i denne situasjonen. Det var eit eksempel til etterfølgelse.
Det var klart at dette satte sitt preg på HaNo-spelarane. Og sjølv om det vart spelt 8 minutt etter at kampen kom i gong att, vart aldri HaNo i stand til å sette Spjelkavik under press. Dermed eit nytt tap for HaNo, men denne jamne kampen kunne faktisk ha bikka i HaNo sin favør.
HaNo stilte slik:
Maria, Anna L, Vibeke, Elisabeth L, Elisabeth Y, Britt Tove, Lise, Ane, Siri, Trude, Emily.
Nytta innbytarar: Silje, Kari, Sybell, Seline.
Stjernebørsen:
*** Britt Tove
** Elisabeth L
* Vibeke
Underteikna vil takke Julie og Laila for god hjelp både i forhold til å notere fakta under kampen og i samband med skaden til Elisabeth.
|