|
Stordal - HaNo 3-2 (2-1)
|
HaNo testa kampforma ei veke før hauststarten måndag kveld. Motstandar og vertar Stordal hadde dei fleste sjansane, og vann 3-2. Heimelaget var best i første omgang, medan HaNo pressa på etter pause.
|
10.08.09, Kirkebøe stadion, kunstgras.
Kampfakta:
Stordal-HaNo 3-2 (2-1)
Mål:
1 - 0 ( 6) Geir Marius Øie
1 - 1 (11) Lars Petter Haram
2 - 1 (40) Raoul
3 - 1 (49) Sindre Holtleite
3 - 2 (51) Jan Egil Ulla
Dommar: Odd Arne Grande, Skodje
Både Molnes og Bjørn Nedreskodje (ex.HaNo-trenar) hadde beordra høgt press, men det var HaNo som lykkast første fem minutta med nettopp det. HaNo gjekk rett i strupen på Stordal og produserte masse innlegg første fem minutta, men Stordal kontra i staden inn 1-0 etter seks minutt. HaNo svara etter elleve, då LP Haram flikkar inn eit Asgeir Nogva-frispark. Etter dette er det Stordal som er det førande laget. Raske overgangar, og kjappe, fintesterke kantar pregar kampen, og utespelar Ove Otterlei i målet berga HaNo ved 2-3 høve før pause. Men leiarmålet kom, og stillinga var 2-1 ved pause.
Etter kvilen på den gode kunstgrasbana i Stordal vakna HaNo. Men igjen blei vi straffa av hurtige bein, då Sindre Holtleite sprang gjennom HaNo-forsvaret og skåra flott forbi Ove. Jan Egil Ulla reduserte på kaldt vis, då han åleine med målvakta plasserte fint forbi keeper.
HaNo vann heretter fleire duellar, og fekk ballen ut på kant igjen. Mange innlegg for HaNo både i første og andre omgang, men kjemien mellom leverandør og mottakarar var ikkje noko å rope hurra for. Cato Longva heada i tverrliggar, Jan Egil burde fått straffe, og elles nokre tilbod, medan Stordal kontra på godt vis, der Ove igjen gjorde ein kjempejobb bakerst.
Ein rusten kamp av HaNo, som møtte eit fotrappt heimelag som spela god fotball på kunstgras. Her hang vi til tider ikkje med, medan i våre godperiodar, så sleit Stordal med å få tak i oss. To treningsøkter til før seriestart mot Godøy2/Vigra2 måndag på Nordøy stadion kjem godt med. Stian Haram gjorde comeback for HaNo, og blir ei god forsterking med sitt utlånsopphald frå Herd. Ove Otterlei og Jonas Longva forsvinn til skulegong i Bergen, og Vebjørn Steen er i militæret. Dei tre sistnemnde blir dermed ikkje å sjå i blått i haust.
HaNo (4-3-3):
Ove Otterlei- Kristian Kalvøy, Michael Austnes, Stian Haram, Lars Åkre- Åge Flem Ulla, Vegard Halkjelsvik, Lars Petter Haram- Jan Egil Ulla, Kenneth Ulla, Asgeir Nogva.
Nytta innbyttarar: Demir Haram, Odd Einar Molnes, Sondre Steen, Jonas Longva, Cato Longva.
|
