|
Uavgjort i jamn kamp
|
Det vart ein spelemessig jamn kamp mellom Åram og HaNo på Kvamsøy stadion. Sjølv om HaNo hadde eit lite overtak, gjekk det ikkje like bra som i vår, då HaNo vann 9-0 på heimebane.
|
Uavgjort i jamn kamp
Åram – HaNo: 3-3 (2-1)
Kvamsøy gras
Mål:
0-1 Trude Haram (1 min)
1 – 1 (16 min)
2 – 1 (38 min)
2 – 2 Britt Tove Vedeld Molnes (52 min)
2 – 3 Sunniva Tomren (83 min)
3 – 3 (87 min)
Gult kort: Sunniva Tomren og Vibeke Flem
Dommar: Geir Tjervåg
Laget:
Kristin Aksnes, Silje Haram, Sybell Rogne, Vibeke Flem, Anna Longva, Judith Vestavik, Britt Tove Vedeld Molnes, Ane Forr Austnes, Sunniva Tomren, Siri Klokk Austnes og Trude Haram
Desse gjorde gode innhopp frå benken: Emily Smith, Anna Marøy Austnes, Elisabeth Ylving og Nina Kjelstad Rogne
Det vart ein spelemessig jamn kamp mellom Åram og HaNo på Kvamsøy stadion. Sjølv om HaNo hadde eit lite overtak, gjekk det ikkje like bra som i vår, då HaNo vann 9-0 på heimebane.
Første omgong bar preg på at HaNo tok sigeren litt på forskudd, etter praktkampen som blei vunnen heile 9-0 i vår. Og etter dryge minuttet, kunne det nesten sjå slik ut. Rett etter løysing, kjempar HaNo til seg ballen på midten. Britt Tove slår ei fin pasning ut til Siri som kjem på overlapp, innlegget frå Siri landar i føtene på Trude som sett ballen enkelt til venstre for keeper, og HaNo har fått ein pangstart. Rett etter målet fekk HaNo to cornarar som og kunne ført til skåring, men i staden var det Åram som tok over kampen.
Etter målet såg det litt ut som HaNo venta at resten av kampen skulle gå av seg sjølv, men i staden kjempa Åram seg inn i kampen, og utliknar på longskudd frå rundt 20 meter etter seksten minutt. Som ved HaNo sitt mål får Åram corner rett etterpå, som blir veldig farlig. Ballen dett ned i feltet, og det er mykje klabb og babb før HaNo får klarert.
Etter utlikninga vart det ganske jamnt, med sjansar for begge lag. Både Britt Tove og ein Åram spelar var åleine med keeper, men avslutningane gjekk so vidt utanfor. Når klokka viste 38 spelte minutt får ein Åram spelar ballen på direkten frå hjørnet på sekstenmeteren, og skyt i ein fin bue over Kristin i HaNo målet, og stillinga er 2-1
I pausa vart alle einige om å senke skuldrane og å jobbe ilag, noko som såg ut til å fungere.
I andre omgong sat angrepsspelet betre enn i første omgong, og HaNo spelte seg til fleire store sjansar, og etter 52 minutt kom utlikninga. Sunniva spring gjennom forsvaret til Åram og skyt hardt på keeper som må gi retur. Britt Tove var rask på returen, og sette ballen kontant i mål.
etter utlikninga blei det endå meir HaNo. Ei opplagt Britt Tove hadde fleire skot, men enten so gjekk dei so vidt utanfor, eller so redda keeper. Etter 83 spelte minutt får Anna longva ballen på kanten, og legg inn i feltet. Nina kjempar til seg ballen og skyt i ein Åram spelar, og ballen hamnar med Sunniva som skyt enkelt i mål. Flott angrepsspel av HaNo her.
Men som fleire andre gongar denne sesongen, der HaNo er best, og spelar vakker angrepsfotball, er me igjen uheldige, og slepp inn enkle mål. I det 87 speleminutt får Åram frispark frå rundt 25-30 meter, som blir slått i ein høg bue og rett i mål, og dermed uavgjort 3-3. Tre minutt på overtid kunne også alle poenga blitt verande på Kvamsøya, då eit skot frå 20 meter går i tverrliggaren, før dommar bles av.
Vegard Halkjelsvik.
|
