|
HaNo greidde uavgjort
|
Det vart ein noko underleg kamp då HaNo-damene møtte Herd laurdag under HaNo-dagane.
Herd skåra fem mål, HaNo eitt. Likevel enda kampen uavgjort. Rart med fotball. Det er ikkje alltid det laget som skårar mest, som vinn poeng. Det gjeld å sette ballen i rett mål. Det greidde HaNo, ikkje gjestane.
|
3. divisjon damer:
HaNo greidde uavgjort
HaNo – Herd: 3 - 3 (2– 1)
Nordøy gras
Mål: 0 – 1 Mari Hoff Johansen ( 25 min)
1 – 1 Sjølvmål ( 26 min)
2 – 1 Britt Tove Vedeld Molnes ( 35 min)
2 – 2 Andrea Skaugseth ( 60 min)
2 – 3 Andrea Skaugseth ( 70 min)
3 – 3 Sjølvmål ( 87 min)
Dommar : Odd Grande, Skodje
Laget:
Maria Ulla, Silje Haram, Sybell Rogne, Sunniva Tomren, Emily Smith, Ane Forr Austnes, Lise Fjørtoft Tomren, Britt Tove Vedeled Molnes, Anna Longva, Trude Haram og Judith Vestavik.
Innhopp: Siri Klokk Austnes, Anna Marøy Austnes og Elisabeth Ylving
Dagens HaNo: Britt Tove Vedeld Molnes
Tekst og foto: Gunnar Standal
Kampen vart aldri sjanserik. Likevel vart det seks mål. Det gjekk nesten ein halv time før første sjansen kom. Gjestane fekk til eit flott angrep på høgrekanten og Mari Hoff Molnes løfta ballen fint og gode Maria Ulla i HaNo-målet. HaNo svarte kontant. Gjestemålvakt Ida Ona redda eit hardt skot frå Britt Tove Vedeld Molnes. Det følgjande hjørnesparket sette ein gjestespelar kontant i eige mål. HaNo tok leiinga på dagens prestasjon. Britt Tove Vedeld Molnes vann ballen på midtbana tretti meter frå mål. Ho såg at målvakt Ona stod ute i feltet og sende i veg ein kontrollert lobb rett i nota. Eit effektivt HaNo-lag leia ved halvtid.
Etter pause tok gjestane over. Dei var sterkare enn det unge HaNo-laget og vann dei fleste duellane. To gonger fekk gode Andrea Skaugseth springe i bakrommet bak eit flatt heimeforsvar som stod høgt utan at laget greidde å presse ballførar. Dermed to mål og ny gjesteleiing. Men eit nytt sjølvmål øydela for Herd. Sunniva Tomren slo eit frispark presist framfor mål der ballen vart stussa vidare i nota. Berre flott redning av målvakt Maria Ulla hindra Andrea Skaugseth og gjestane i å ta alle poenga på overtid.
Hos HaNo tok veteranane Britt Tove Vedeld Molnes, Lise Tomren Fjørtoft og Sunniva Tomren ansvar og leverte varene i forsvar og på midtbane. Unge Maria Ulla stod ein svært god kamp i mål. Emily Smith spelte ein solid kamp på høgrekant i forsvar. Siri Klokk Austnes og Anna Marøy Austnes gjorde frisk innhopp.
Entusiast og dommar Odd Grande, Skodje, leia ein kortfri kamp greitt.
Gunnar Standal
|
