|
Uavgjort mot serieleiaren
|
HaNo greidde 2-2 mot Guard/Fortuna2 på Nordøy stadion søndag. Stillinga ved pause var 1-1, etter at Sunniva Tomren tok HaNo opp i leiinga. Judith Malen Vestavik gjorde 2-1 rett etter pause, medan Katrine Slinning skåra sitt andre for dagen til 2-2 midtvegs i omgangen.
|
3. divisjon, Nordøy stadion:
HaNo-Fortuna2/Guard 2-2 (1-1)
Mål:
1-0 Sunniva Tomren (14)
1-1 Katrine Slinning (42)
2-1 Judith Malen Vestavik (48)
2-2 Katrine Slinning (67)
Dommar: Walter Larsen, Aafk.
Dagens HaNo-spelar: Britt Tove Vedeld
Juryens dom:
3 poeng: Britt Tove Vedeld
2 poeng: Vibeke Flem
1 poeng: Kari Longva
Etter ei særs effektiv oppvisning av begge lag, enda kampen mellom HaNo FK og Fortuna2/Guard med 2-2 og poengdeling på denne varme seinsommardagen.
Av Jonas Longva
Både veret og den nyklipte bana på Nordøy Stadion gjorde sitt for å skape ei fin ramme rundt denne kampen mellom to lag som kjempar i toppen av 3. divisjon. Med skinande sol, over 20 grader og særs god service i kiosken, låg dette ann til å bli ei god oppleving for både store og små på tribuna samt utøvarane som snart var klare til å entre bana.
Innlagt drikkepause
Men tilskodarane på den litt glisne tribuna måtte vente i 14 minutt før det hendte noko verkeleg merkbart ute på bana, då fekk nemlig HaNo corner. Den vart slått meget godt av Sunniva Tomren frå høgre inn i feltet mot bakre stolpe, og etter å ha vore så vidt borti ein Fortuna kropp, gjekk den direkte i mål! 1-0 til HaNo.
Den første halvtimen av kampen var prega av mykje kriging og relativt få sjansar. Det vart ein del fram og tilbake og til tross for den høge temperaturen var det god jobbing frå begge lag, men diverre enda det sjeldan opp som store sjansar. Som mest sannsynleg avtalt på førehand, bles dommar Walther Larsen i det 25 minutt av for ei innlagt drikkepause. Spelarane fekk tid til å få i seg væske og kjøle seg ned litt. Det var nok nødvendig på ein slik varm sommardag!
Utlikning rett før pause
Kampen fortsette i nokon lunde same sporet etter drikkepause, sett bort i frå eit par halvsjansar til begge lag. Men medan dei fleste på tribuna forbereda seg på pause og ei fin 1-0 leiing til heimelaget, kom det som lyn frå klar himmel. Eit knallskot av ein Fortuna-spelar frå minst 25 meter! Ballen gjekk rett i nota heilt oppe ved tverrliggaren bak keeper Sybell Rogne. Utlikninga var eit faktum, og spelarane gjekk til pause med 1-1.
Kjempeangrep gav leiing
2. omgang starta forrykande med dagens finaste angrep. Linda Kristin Haram storma framover på høgresida, la vakkert inn til Judith Vestavik som avslutta på volley! Utagbart for keeper og ny leiing til heimelaget. Kampen opna seg litt meir etter målet. Sunniva var frampå med eit par avslutningar på frispark, medan bortelaget var på eit par visittar inne i HaNo sin 16-meter. Men det samansette laget Fortuna2/Guard verka ikkje spesielt lystne på å reise tomhendt heim frå øyane denne søndagsettermiddagen. Dei sendte fleire i angrep, og når stadionuret viste 67 minutt vart det avfyrt eit skot retning HaNo sinn målgård. Ballen fekk ein lei sprett, og gjekk over ei litt uheldig Sybell i HaNo-målet.
Avslutninga av kampen vart, ikkje uventa, prega av ein del sletne kroppar ute på bana. Nærmast scoring var nok HaNo, som kom til eit par gode muligheiter på kontringar. Men kampen ebba ut til 2-2 og poengdeling på Nordøy Stadion.
Spennande haust i vente
Dagens HaNo-spelar vart ikkje ufortent Britt-Tove Vedeld, ho jobba særs godt kampen igjennom saman med resten av midtbana og avslutta kampen med krampe like før slutt. Samen med eit solid forsvar, aggressive angriparar og innbyttarar som var med på å halde trykket oppe, ser det ut til å gå mot ein spanande haust for jentene. Møt opp på stadion og støtt ditt lokale lag på både herre- og dame sida! Det trengs!
HaNo (4-3-3):
Sybell Rogne- Tone Austnes, Julie Longva, Vibeke Flem, Silje V. Haram- Britt Tove Vedeld, Lise Tomren, Sunniva Tomren- Elisabeth Longva, Trude Haram, Judith Malen Vestavik.
Nytta innbyttarar: Linda K. Haram, Kari Longva, May Liss Olsen, Ane Forr Austnes.
|
