|
Ørskog vann fortent over HaNo
|
Det vart eit spennande møte mellom HaNo og gjestane Ørskog torsdag. Heimelaget leia kampen to gonger før halvtid. Gjestane sørgde raskt for balanse. Det meste skjedde i sluttminutta av omgongane. Tre mål på fem minutt rett før pause. Så sikra Ørskog sigeren i sluttminutta av kampen.
|
HaNo – Ørskog: 2 - 4 (2– 2)
Nordøy gras
64 tilskuarar
Mål: 1 - 0 Lars Petter Haram ( 10 min)
1 – 1 Christian Smith-Nilsen ( 38 min)
2 – 1 Stig Frode Longva ( 41 min)
2 – 2 Kurt Søvik ( 43 min)
2 – 3 Nils Petter Dyrkorn ( 87 min)
2 – 4 an Smith-Nilsen ( 90 min)
Dommar : Alf Furland, Rollon
Gult kort : Kristian Kalvø, HaNo
Dagens HaNo-spelar: Lars Petter Haram
Dei elleve utvalde:
Henrik Åkre, Kent Inge Klokk, Michael Austnes, Kenneth Ulla, Vebjørn Steen, Åge Ulla, Lars Petter Haram, Odd Einar Molnes, Asgeir Nogva, Stig Frode Longva og Alexander Eide
Desse gjorde innhopp på kort varsel:
Eirik Flem Slyngstad, Kristian Kalvø og Lars Åkre
Det vart eit spennande møte mellom HaNo og gjestane Ørskog torsdag. Heimelaget leia kampen to gonger før halvtid. Gjestane sørgde raskt for balanse. Det meste skjedde i sluttminutta av omgongane. Tre mål på fem minutt rett før pause. Så sikra Ørskog sigeren i sluttminutta av kampen. Først tok laget leiinga då eit innlegg frå Nils Petter Dyrkorn spratt over ein uheldig Henrik Åkre i heimemålet. På overtid sikre Christian Smith-Nilsen tomålsiger på ei perfekt kontring i fire trekk.
Første omgong vart fartsfylt og spennande. Begge lag skapte sjansar. Gjestane var farlege på hjørnespark og frispark. HaNo har raske angriparar som kan springe gjennom flate forsvar. HaNo tok leiinga på straffespark ved Lars Petter Haram etter god jobbing i feltet av Alexander Eide. Så kom tre kjappe mål like før halvtid. Først utlikna Christian Smith-Nilsen på eit langskot etter hjørnespark. HaNo svarte då Alexander Eide spelte spisskollega Stig Frode Longva flott gjennom og åleine mot gjestemålvakt Stein Barlindhaug gjorde Longva ingen feil. Men HaNo var svake på dødballar imot heile kampen, og Kurt Søvik utlikna med hovudet då han nådde høgst etter frispark.
Alt i alt ein fortent siger til gjestane som spelte seg fram til flest sjansar. HaNo har mist fleire spelar på grunn av skulegong, militærteneste, overgonger og skadar. Dette gjer at stallen er litt ujamn for tida. Torsdag debuterte sekstenåringane Åge Ulla, Eirik Flem Slyngstad og Kristian Kalvø på heimebane og gjorde jobben bra. I andre enden av adelskalenderen fekk Kenneth Ulla blomar og gratulasjon for sju hundre kampar for HaNo. Inge over – ingen ved sida. HaNo treng veteranar som tek ansvar.
Alf Furland, Rollon, dømde kampen greitt.
Av: Gunnar Standal
|
