|
Nytt \"heiderleg\" tap
|
HaLE sitt damelag tapte 1-2 i heimekampen på Løvsøya torsdag. Avgjersla fall like før slutt. HaLe leverte ein dårleg første omgang, men vaer mykje mykje betre etter pause.
|
HaNo/Lepsøy gjekk på eit nytt knepet tap på Lepsøy stadion mot Sykkylven torsdag kveld. HaLe spelte ein svært svak første omgang og ein god andre omgang.
Av: Roar Seth
Det var Sykkylven som totalt dominerte banespelet i første omgang. Men heller ikkje dei produserte store sjansar. Keeper Ann Kristin Farstad rydda som vanleg godt opp i dei angrepa som vart avslutta med skot mot mål. Det andre tok HaLe forsvaret seg av, godt anført av Tone Austnes og Silje Vindsnes Haram i midtforsvaret.
Men framover på bana fekk HaLe lite til i denne omgangen. Laget greidde ikkje å halde på ballen lenge nok til at dei fekk flytta spelarane sine framover og støtte opp under angrepa. Omgangen var prega av mange personlege feil. Noko av skulda må ein vel legge på det glatte underlaget på grunn av kraftig regn under kampen.
Andre omgang starta med eit farleg Sykkylven angrep som vart trekt opp på høgre sida. Innlegget går forbi keeper og på bakarste har Sykkylvs spelaren berre å sette ballen i mål, men Tone Austnes får kasta seg fram og blokkert skotet slik at det går i tverrliggaren. Like etter legg Ingrid Farstad ein fin ball gjennom Sykkylvs forsvaret og Lillian Kjerstad kjem åleine mot keeper, ho legg ballen tilside for keeper, men avslutninga er for svak og mål vert hindra av ein forsvarer.
Etter dette bølja spelet fram og tilbake. HaLe var no fult på høgde med Sykkylven. Lillian vart på ny spelt heilt igjennom, men også denne gongen er skotet for laust. Like før dette hadde Sykkylven vore nære på med skot i stanga. Og keeper Ann Kristin har gjort gode redningar frå skotvillige Sykkylvs spelarar. Sykkylven sitt første mål kjem etter 70 min. Eit innlegg frå venstre treff tverrliggaren og spratt ut i beina på Andrea Smith Isaksen som berre hadde å breiside ballen i mål frå kort hald.
Ti minutt før slutt kom ei fortent utlikning på eit godt skot frå lagkaptein Ingrid Farstad. Frå 20 meter satte ho ballen høgt i mål over keeper.
Det såg ut til at det skal gå mot poengdeling, men på eit utspel glir Ann Kristin derfor traff ho dårleg på ballen. Den hamna rett i beina på Marita Aarseth som ikkje hadde ein alt for vanskeleg jobb med å sette ballen i mål og sikre sigeren for Sykkylven.
No er det fotballferie. Ein får nyte og nytte den godt . GOD SOMMER
0-1 Andrea Smith Isaksen (70)
1-1 Ingrid Farstad (80)
1-2 Marita Aarseth (86)
*** Tone Austnes
** Ingrid Farstad
* Silje Vindsnes Haram
|
