|
Siste kamp for J14 før sommaren!
|
J14 spelte i dag, tirsdag, bortekamp mot Skodje. Det var ein spennande kamp med store sjansar begge vegar. Til pause var stillinga 3-3, men kampen enda 7-5. Målscorarar for HaNo: Kamilla Standal (3), Cecilie Kalvøy og Kristina Ulla.
|
Kampen starta dårleg for HaNo/Løvsøy. Skodje tok raskt leiinga 2-0 og hadde mykje godt spel. HaNo heva seg etterkvart utover i omgongen og Kamilla og Cecilie scora kvart sitt mål og dermed vart stillinga 2-2. Rett før pause scora først Skodje og deretter styrte Kamilla ballen i mål på eit skot frå Marianne Ulla.
Etter pause datt HaNo litt ned med intensiteten. Skodje haldt trykket oppe og tok då leiinga 6-3. HaNo kom litt sterkare tilbake og Kamilla Standal og Kristina Ulla scora kvar sitt mål og stillinga var 6-5 rett før slutt. Heilt på slutten var det veldig spennande, men sjølv om HaNo/Løvsøy hadde fleire sjansar var det Skodje som satte inn det siste målet. Stillinga enda då 7-5 til Skodje.
Ein god kamp av J14 som avslutning på vårsesongen.
|
