|
Hang med i 45 minutt
|
HaNo/Lepsøy sitt damelag starta haustsesongen borte mot FK Sykkylven laurdag. Medan førsteomgangen var jamn, var heimelaget klart best etter pause.
|
FK Sykkylven – HaNo/Lepsøy 6-0 (2-0)
Dalemyra stadion
1-0 Pernille Jarnes
2-0 Andrea Isaksen Schmidt
3-0 Ingjerd W.Aurdal
4-0 Marita Aarseth
5-0 Ingjerd W.Aurdal
6-0 Ingvild Kvalvåg
Dommar: Per Helge Liset, Stranda
Stjerner:
*** Emily Smith
** Lena Farstad
* Lillian Kjerstad
HaNo/Lepsøy sitt lag (4-5-1)
Vibeke Flem – Anna Longva, Tone Austnes, Silje V Haram, Emily Smith – May Britt Longva, Trude Haram, Britt Tove Vedeld Molnes, Ingrid Farstad, Lena Farstad – Lillian Kjerstad
Nytta innbyttarar:
Nathalie Vedeld Dale, Cathrine Gjerde, Eirin Buner, Julie Longva, Sybell Rogne, Anna Austnes
På ei flott grasbane i Velledalen, spelte heimelaget og HaNo/Lepsøy jamnt dei første 45 minutta. Rett nok kom heimelaget best i gang då dei fekk straffe allereie etter 2 minutt spel. Men Vibeke Flem redda straffa, og heldt like godt ballen i fast grep!
Etter dette bølga spelet fram og tilbake. HaNo/Lepsøy var farlegast dei gongane dei kom rundt på venstresida ved Lena Farstad. Lillian Kjerstad jobba godt på topp, og skapte farlege farlegheiter nærast på eigahand. FK Sykkylven tok leiinga på eit flott skot frå 18 meter ved Pernille Jarnes. Etter dette hadde både Lillian Kjerstad, May Britt Longva og Trude Haram store sjansar, men utan å lukkast . I staden var det heimelaget som utnytta ein glipp i HaNo/Lepsøy sitt forsvar, og kunne sette ballen i tomt mål. Dermed gjekk heimelaget til pause med leiing 2-0, i det som var ein sjansemessig jamn første omgang.
Einvegskøyring
Etter pause endra kampen karakter. Heimelaget fekk pasningsspelet til å gli, medan HaNo/Lepsøy sine spelarar vart springande mellom. Når H/L fekk tak i ballen, var ikkje pasningsspelet av same kvalitet som det heimelaget kunne vise fram. FK Sykkylven pressa H/L lengre og lengre bak på bana, og skåra etter kvart fire ny mål. H/L skapte ikkje sjansar før mot slutten av omgangen. Då var det nære på etter eit par hjørnespark.
Totalt sett ein fortent heimesiger. HaNo/Lepsøy leverte ein god 1. omgang. I 2. omgang tok kreftene slutt. Dette kombinert med slurvete pasningsspel, gjorde at de vart tungt å henge med eit velspelande heimelag.
Positivt er det likevel at HaNo/Lepsøy har ein brei stall for øyeblikket. Over 20 spelarar er aktuelle. Kjekt å ha tilbake nokre av dei rutinerte som har vore ute med mammapermisjon. Både Vibeke, Julie og Britt Tove gjorde eit slags come-back, etter å ha prioritert rekrutteringsarbeid i det siste:)
Neste laurdag er det heimekamp mot Brattvåg på Løvsøya under Lepsøydagane.
|
