J16 starta haustsesongen med storseier
Harøy-HaNo 1-9. Ein artig kamp for jentelaget som hadde gode angrep og fekk til det dei hadde trena på. Målscorarar for HaNo: Anna Austnes (4), Kamilla Standal (2), Cecilie Olsen (2) og Ane Buner.
HaNo J16 spelte onsdag 18.08 kamp mot Harøy på Harøya. Kampen starta bra for HaNo sin del, og etter ei lita stund og nokre gode angrep fekk vi oss ein corner. Eli Rogne la ein god corner på bakerste stolpe, og etter litt \"klabb og babb\" fekk Cecilie Olsen foten på den, og stillinga vart 1-0.

Vidare spelte HaNo godt, med fleire gode angrep, sikre forsvararar og ein stødig keeper i Hanna Sylte. Harøy fekk inn eit mål, men det stoppa ikkje jentene! Anna Austnes tok eit raid frå midtbana finta seg forbi fleire harøy-spelarar før ho sette ballen i nota. Den metoden brukte ho like godt på resten av måla ho scora og.

På treninga vi hadde før vi reiste til Harøya trena vi på forskjellige måtar å \"løyse\" ballen. Dette måtte vi sjølvsagt teste ut. Kamilla Standal gav ballen til Cecilie Olsen som sentra ballen vidare til Emily Smith. Både kantspelarane våre, KAmilla og Cecilie var då på full fart mot mål. Emily la ei flott langpasning opp til Kamilla, som spelte vegg med Cecilie, fekk att ballen og nok eit flott mål til HaNo!!

Før pause hadde Eli Rogne eit hardt skot mot mål, det såg ut som det ville gå like utanfor stolpen. Men heldigvis var Kamilla på rett plass og fekk plassert den i målet. HaNo gjekk til pause med 4-1.

Etter pause starta HaNo med friskt mot igjen. Innstillinga var at no var det 0-0 igjen, og dei skulle halde oppe trykket og gi alt. Det greidde dei med glans.

Anna Austnes tok seg igjen eit raid, på same måte som sist, og stillinga vart 5-1. Like etter prøvde Cecilie seg igjen, og denne gongen var det Ane Buner som fekk siste tåa på ballen. Harøy tok seg saman etter pause, og forsvaret vårt fekk mykje å gjer på. Men dei greidde seg fint. Emily, Veronica Johnsen Flem og Elisabeth Ylving hadde stort sett kontroll (dei var ikkje inne samtidig vel og merke, berre to i gongen).

Mot slutten av kampen la Eli Rogne igjen ein flott corner. Cecilie var igjen på rett plass, men denne gongen tok ho den på hovudet og fekk eit nydeleg mål! Heilt på slutten tok Anna to nye raid som enda i to nye mål, og stillinga enda til slutt 9-1 til eit veldig fornøgd HaNo-lag.

Dei avslutta med stil og dansa seiersdansen som vart til på Norway Cup.

20/08-10
Av: Ane Forr Austnes







5 siste nyheter fra J16:
J16 Harøy - HaNo/Lepsøy 5-4 (1-1)
J16-siger over Vartdal
J16-siger over Vartdal
INNLEVERING AV DRAKTER
Tap mot Hessa


Hovudsponsorer: