|
HaNo 2 med storsiger på Godøya
|
HaNo 2 vann komfortabelt 10 – 3 borte mot Godøy tidlegare i dag
|
Dagens HaNo 2 Spelar: Preben Lorgen
Før kampstart vart HaNo einige om å revansjere heimekampen tidlegare i år, då stillinga vart uavgjort, 11 – 11. Det var knytt stor spenning til kven som skulle vere i startsjuaren, og heile tre forskjellige oppsett vart nemnt. Men lagleiar for dagen, Henrik Åkre skar igjennom dei forskjellige forslaga og styrte laget med hard hand.
Dette skulle vise seg i å verte ei suksessoppskrift. Allereie etter 10 minutt hadde HaNo opparbeida seg til ei komfortabel 4-0 leiing. Cato Longva fikk æra av å starte målshowet, då han banka inn eit skot frå 15 meter. Deretter skåra både Stig Frode, Vegard og Preben kvar sine mål. Etter dette blei HaNo litt for komfortable, og slapp Godøy litt inn i kampen. Men slik som før kampen, tok Åkre kontroll på sidelinja og fekk karane til å bevege på føtene igjen. Då vart det putta to nye mål, før Godøy fekk inn eitt på slutten av omgongen.
I pausen tok Åkre kontrollen for tredje gong i kampen, og gav ei streng, men munter skyllebøtte til spelarane: ”Skal dykk ha burger i dag, forventar eg at det bli tosifra, gutar!”
Dette gjorde truleg den store forskjellen. HaNo starta andre omgong roleg og kontrollert, og putta tilslutt dei fire måla som var nødvendig for å skaffe seg den etterlengta burgeren.
Inn i mellom skåringane til HaNo, putta Godøy på ei kontant heading frå kråspark, og heilt på tampen sette dei inn sitt tredje for dagen. Rett etter dette blåste dommaren av, og jubelen stod i taket.
Og i god HaNo 2 – stil, vart det både burger og pizza etter kampen :)
HaNo sine mål vart skåra av:
Stig Frode 4
Preben 3
Cato 1
Kristian 1
Vegard 1
Garderobevurdering:
Terningkast 5.
God plass, godt trykk i dusjen, der det til og med var seteplass for dagens spelar!
men, eit særs kaldt golv hindrar Godøy i å rulle seksaren.
Dei utvalgte:
Vegard Halkjelsvik, Kristian Furnes, Steven Haram, Cato Longva, Stig Frode Longva, Åge Flem Ulla, Per Olav Sunde, Håkon Haram, Øyvind Risan og Adrian Hagen.
|
