|
Misbrukte sjansar gav bere eitt poeng
|
HaNo burde leia med tre-fire mål etter første omgang mot Sunnylven, men besluttsomheita framfor mål var dårleg.
|
3.div kvinner, Nordøy stadion:
HaNo-Sunnylven 2-2 (1-0)
Mål HaNo: Linda Kristin Haram og Julie Longva
Dommar: Mikal Skodjereite, Skodje.
Dagens HaNo-spelar: Vibeke Flem
Juryens dom, HaNo:
3 poeng: Vibeke Flem
2 poeng: Sybell Rogne
1 poeng: Britt Tove Vedeld
HaNo burde leia med tre-fire mål etter første omgang mot Sunnylven, men besluttsomheita framfor mål var dårleg. Sunnylven hang med utover i andre, og straffa HaNo knallhardt med to skåringar. Men i andre kamp på rad berga HaNo eitt poeng mot slutten av kampen.
Av Odd Einar Molnes
Linda Kristin Haram skulle bli 1. omgang sin einaste målskårar etter 18 minutt. Men ho og lagveninnene lurte nok etter kampen på kvifor ikkje leiinga var større! Etter tre minutt kom Linda åleine, Sunniva Tomren etter 10 minutt, og Kari Longva med kjempesjanse etter 16 minutt, og Linda igjen etter 17 minutt. Innimellom kom Sunnylven med ei i tverrliggjaren, men det var HaNo som opna soleklart best.
Sjansemisbruk og strafferedning
Ein klar hands blei oversett i Sunnylven-feltet av dommar Skodjereite. Vibeke Flem heada over etter halvtimen, medan sjansane hagla mot Sunnylven-målvakta, som var meget solid. Mest drama blei det heilt på tampen av omgangen då Sybell Rogne felte ein SIL-angripar, men Sybell var ikkje verre på det enn at ho berga straffa og heldt ballen sikkert.
Jamnare andre omgang
HaNo brente så mange sjansar at mange blei nok redde for laget hadde brukt opp krutet. I tillegg hadde SIL meir vind i ryggen, og avklaringane til SIL-forsvaret var gode opp mot den farlege spissen Kirsti Frøysadal Hauge utover i den andre omgangen. Hauge skaut først, medan Anniken Hjellbakk Hole utlikna til 1-1 på returen. Ingrid Kjerstad var gjennom og kunne gitt HaNo tilbake leiinga, men keeper Lillian Aasheim redda igjen og i staden gjorde Linn Kammen 1-2 til SIL. Ho og resten av SIL-angrepet trokla seg gjennom midten. HaNo opplevde dermed for andre gong på tre dagar å miste leiinga si, for så å ta den igjen med utlikning innan dei ti siste minutta av kampen. Julie Longva sette corneren til Britt Tove Vedeld glimrande i mål.
Brattvåg-HaNo neste
Lettelse over ikkje å ha tapt, men stor ergrelse over alle brente sjansane var kjensla til HaNo-jentene etter kampen. Sunnylven henta for andre gong eitt poeng i Haram med 2-2 mot HaNo. 1-1 greidde dei mot Brattvåg, og kanskje er dette provet på at Brattvåg-HaNo blir ein jamn kamp? Den går av stabelen komande laurdag på Brattvåg stadion.
HaNo (4-3-3):
Sybell Rogne- Tone Austnes, Julie Longva, Vibeke Flem, Silje Haram- Sunniva Tomen, Lise Tomren, Britt Tove Vedeld- Linda Kristim Haram, Kari Longva, Elisabeth Longva.
Nytta innbyttarar:
Marita Longva, Judith Vestavik, Ingrid Kjerstad og May Britt Longva
|
