HaNo med siger over Emblem!
HaNo vann 2-0 i fredagens 5 divisjonskamp mot Emblem på Nordøy Stadion. Vegard Halkjelsvik skåra 1-0 målet på eit frispark i 1 omgong, medan Lars Åkre satt inn 2-0 etter 60 min.
1-0 Vegard Halkjelsvik (10min)
2-0 Lars Åkre (55min)




HaNo:
- Pål forr Austnes
- Audun Steen
- Michael Austnes
- Per Kristian Klokk
- Demir Haram
- Lars Petter Haram
- Vegard Halkjelsvik
- Odd Einar Molnes
- Vebjørn Steen
- Lars Åkre
- Håkon Haram

Nyta innbyttarar: Sindre Longva (45min), Bjørnar Flem (65min), Mads Uri (65 min), Olve Steen (80min), Robin Haram (80min), Per Olav Sunde (90 min)

Stjernebørs:
*** Demir Haram
** Per Kristian Klokk, Michael Austnes
* Audun Steen

HaNo tok med dette sin første siger på heimebane og klatra forbi nabo Lepsøy på tabellen. Emblem var før sesongen den store favoritten til opprykk frå divisjonen, men har skuffa stort hittil i år. Laget har slitt med uttellinga, noko som skulle vise seg også i denne kampen. HaNo stilte i denne kampen uten trenar Joakim Austnes, Per Jarle Fjørtoft og Kristian Kalvøy, men av ein tropp på over 23 mann hadde ass.trener Lars og Vegard fleire alternativ før kampen.

I nordavinden på Nordøy Stadion var det Emblem som starta kampen best. Dei hadde ballen klart mest i heile første omgong, men keeper Pål og ei solid forsvarsrekke var sugne på å halde nullen for første gong i år. HaNo vart litt stressa med ball og hadde sjeldan fleire trekk i laget i første omgong, men skapte likevel eit par gode sjansar. 1-0 skåringa kjem på eit frispark av Vegard Halkjelsvik der innlegget går over alle og i mål bak ein uheldig Emblem-keeper etter 10 min. Håkon Haram er farleg frampå like etter med eit fint raid der skotet går like over. Resten av omgongen er det Emblem som styrer showet og pressar HaNo bakover. Pål Forr Austnes redder med ei fin beinparade etter etter at ein Emblemspelar kjem aleine igjennom etter 30 min. Emblem har i denne perioden ei rekke hjørnespark og frispark men uten å skape det heilt store framfor Pål i HaNo buret. Like før pause ser det likevel ut som utlikninga skal kome. Ein Emblemspelar blir felt og dommaren peikar på straffemerket. Pål har ingen interesse av å sleppe inn mål denne dagen og reddar straffa på meisterleg vis. Laga går dermed til pause med 1-0 til heimelaget.

I pausa får HaNo retta på nokre småting og det er eit mykje meir offensivt heimelag som entrar bana. Keeper Pål må diverre gå ut med ei kneskade og spiss/reservekeeper Sindre Longva må ta på seg hanskane. I 2 omgong tar Vegard Halkjelsvik og Lars Petter Haram tar meir tak på midten og det fører til meir ballkontakt for dei blå. Sindre Longva viser tryggheit i HaNoburet og fortsetter der Pål slapp i 1 omg.
2-0 kjem på eit strålande HaNo angrep etter 55 min. Odd Einar kjem seg fri på venstrekanten, slår eit godt innlegg som Lars Åkre sett i mål frå 5 meter. HaNo får etter dette meir kontroll og Emblem slit med å skape dei store sjansane. Odd Einar Molnes er nær å lage tidenes mål da han skyt frå 20 meter, men ballen går knallhardt over krysset. Håkon Haram er ein stadig trussel med si fart og gode løp i bakrommet. HaNo må etterkvart bytte ut eindel slitne bein som blir erstatta av friske, spelesugne kara frå benken. Kampen ebbar ut utan dei store sjansane nokon veg, og HaNo tar dermed sin andre siger for året.

Ein solid kamp av heimelaget der grunnlaget blir lagt av ei forsvarsrekke og 2 keeperar som vinn duellar og ryddar opp i stor stil. Deilig å halde nullen for første gong i år og endeleg få ein siger på heimebane.

Neste kamp er nok ein heimekamp, på Austnes mot Harøy. Kampen går førskomande torsdag kl 1845.

01/07-11
Av: Lars Åkre







5 siste nyheter fra :
J16 nekter å tape
J16 med bragd.
HaNo - Hødd
Tilbake til kvardagen
Årsbeste av J16


Hovudsponsorer: