|
Årsbeste av J16
|
Ørskog fekk gjennomgå på Nordøy stadion fredag 11 juni.
9-0 var ikkje eit mål for mykje.
|
2 minutt: Martine, Charlotte, Elisa og Tea spelar ut Ørskogforsvaret etter noter. Ballen går på en og to touch, og det er Tea som til slutt set ballen i åpent mål.
5 minutt: Tea spelar Elisa fri, men keeper vinn duellen ein mot ein.
7 minutt: Martine spelar fri Elisa framfor keeper, og denne gongen er det Elisa som vinn. 2-0
9 minutt: Tea skyt, Elisa er på returen, keeper redder og Charlotte set den returen i mål. Med keiva. 3-0
11 minutt: Ein såkalla kanonade mot Ørskog sitt mål. 3 gonger smell ballen i tverrliggar og stenger. Ikkje mål denne gongen.
15 minutt: Martine får ballen midt på bana. Ho forserer litt og skyt frå 15 meter. Ballen går via keeper og i mål. Kjempekjekt å sjå eit godt gammaldags Martine mål. 4-0
18 minutt: Frispark til Ørskog som blir skote i stolpen. Stor sjans for gjestane.
26 minutt: Eit lite høgdepunkt. Helene vinn ballen på eigen halvdel. Ho driv framover, driblar av 2 motspelarar og skyt ballen i mål via keeper. Glimrande mål. 5-0
26 minutt: Eg er ikkje ferdig med å notere Helene sitt mål før Martine på kjent vis spelar fri Elisa, som scorer sikkert. 6-0
37 minutt: Martine er i serveringshumør denne dagen. No er det Albertine som blir spelt fri av dagens kaptein, og ho scorer fint åleine med keeper. 7-0
Denne omgangen meiner underteikna er årsbeste av dette laget. Det var smil og latter, bra med prating og spelet sat som eit skudd. Insatsen var formidabel.
I andre omgang tok nok jentene litt \"foten av gassen\". Men dei var framleis klart best. Det kom berre 2 mål i denne omgangen.
51 minutt: Rebekka skyt ut til Martine, ho spelar fri Ingrid, som igjen spelar fri Elisa. Ho scorer sikkert i tomt bur. 8-0
74 minutt: Ragnhild får ballen ute til venstre. Ho fører ballen innover i bana og skyt. Ballen går inn ved næraste stolpe, og ho fastset dermed sluttresultatet til 9-0.
For fjerde gong i år held vi nullen og det er vi veldig nøgde med. Rebekka, Emilie, Ragnhild og Helene har full kontroll og tek det som kjem.
Midtbana med Martine, Tea, Charlotte, Ingrid og Benedikte jobbar hardt og spelar ballen fint segimellom.
Og spissane våre, Elisa og Albertine er alltid ein trussel på topp.
Ein flott kamp av ein flott gjeng.
|
