|
Tøff start på haustsesongen for J15
|
Skulen har so vidt byrja å rulle og gå, men J15 har allereie spelt 2 kamper. Desverre vart det tap i begge.
|
Haustsesongen starta med tur til Stordalen mot eit spelande og godt Stordal lag. Det enda desverre med tap 6-2 for våre jenter. I store delar av denne kampen var det ganske tydelig at sommerferien ikkje heilt var over.
Det som varma mest i denne kampen var nok Martine sine 2 spektakulære mål.
Tirsdag 18.06 reiste vi so til Nordre Vartdal og spelte mot Vartdal. Dette var eit lag som vi hadde stor respekt for når vi gjekk på bana. Sist serierunde slo dei Skodje heile 15-0.
Kanskje var respekten litt for stor, for allereie etter 2 minutt leia heimelaget 1-0. Ein angripar fekk springe ganske uhindra gjennom HaNo sitt forsvar, og sette ballen sikkert forbi Rebekka i mål.
So jamna kampen seg litt meir ut, og det virka som vi fann ut at det var vanlege folk vi spelte mot. Til tider var det veldig godt spel av HaNojentene. Dei skapte til og med en del målsjanser.
Etter 21 minutt hamner vi litt i trøbbel igjen. Med forsvaret på veg ut, snapper en Vartdal spelar ballen og scorer sikkert.
Enno er HaNo fint med i kampen, og berre 3 minutt seinare har Martine ein sprettande ball på midtbana. Ho fyrer av mot mål, og frå temmeleg nøyaktig midtbana går ballen i mål. Fantastisk mål.
Men Vartdal svarer umiddelbart. Etter nok ei gjennvinning høgt i bana blir det skote frå ca 12 meter, og ballen fyk inn heilt oppe i krysset.
Etter 30 minutt er det HaNo sin tur med litt finspel. Ballen blir vunnen på midtbana, spelt ut mot venstre, og lagt inn 45 grader. Der står Elisa, og ho scorer sikkert.
Sjølv om vi låg under med 3-2 til pause, var vi godt nøgde. Det hadde etter underteikna si meining vore kanskje den beste omgangen vi har spelt i år.
Etter 8 minutt i andre omgang er det HaNo som får ein stor målsjans ved Ingrid og Albertine, men Vartdal bryt og set stor fart framover. I beste Drillo stil kontrar dei, og ballen går i lengderetning heilt til den ligg i vårt nett desverre.
Etter 12 minutt i andre omgang scorer Vartdal igjen, etter litt klynge framfor ei svært god Rebekka i HaNo sitt mål.
Vidare utover i kampen har Vartdal sine sjanser, nokre av dei store, men HaNo greier og å produsere sjanser, desverre utan målgivande resultat.
Kampen ender 5-2 til heimelaget, og det var nok ganske so fortent. Det vart eit godt lag vi møtte.
Men det var ein nøgd gjeng med HaNospelarar som reiste heim. Trass i null poeng so langt er det stor framgang. Det er tross alt eit litt tøffare liv å ver i første divisjon.
|
