|
Knallstart for J16.
|
Det var mykje frynsete nervar og ein del mageknip som prega spelarar og støtteapparat for J16 før seriestarten mot Emblem søndag, men det skulle vise seg at vintertreningane har vore gode.
|
HaNo sine jenter tok tak i kampen frå første spark, og dominerte veldig gjennom heile kampen.
Måla kom slik.
1-0 Martine skyt frå 10 meter.
2-0 Albertine snappar støttepasninga frå deira løysing og set
den i mål via tverrliggaren.
3-0 Elisa er sist på ballen etter ein kanonade mot Emblem sitt mål.
4-0 Emilie skyt, og Elisa set returen sikkert i mål.
5-0 Martine spelar Elisa fint fri framfor mål, og ho scorer sikkert. Ekte hat trick av Elisa.
6-0 Nok ein kanonade mot Emblem sitt mål, og denne gongen er det Martine som er sist på ballen.
7-0 Martine skyt ballen kontrollert i mål frå 8 meter
8-0 Martine spring igjennom og scorar. Nok eit hat trick er eit faktum.
9-0 Albertine scorer med hælen, til pappa Lidvars store fortvilelse.
10-0 Tea kjem inn frå høgre og scorer frå skrått hald.
11-0 Ingrid scorer på eit fint skot.
Pause etter ein omgang der HaNo jentene har dominert totalt. Det er nesten bra dei ikkje scorer på alle sjansane.
12-0 Martine scorer etter corner.
12-1 Ein Emblem spelar spring igjennom og triller ballen forbi Helene i HaNo sitt mål.
13-1 Charlotte skaffer seg fleire sjanser, og omsider treff ho heilt ute ved stonga.
14-1 Charlotte treff igjen, høgt i målet denne gongen.
Første omgang av denne kampen var kanskje noko av det betre eit jentelag i HaNo har levert nokon gong. Det var bra med prating, alle pasningar hadde ei meining, og mykje gode løp med og utan ball.
I andre omgang dovna det litt naturleg nok, men likevel nok vilje og tæl til absolutt å dominere kampen.
Ein velfortent siger av HaNo sine jenter, og ikkje med eit mål for mykje.
Vi gler oss til fortsettelsen.
|
