|
J16 ned på jorda igjen.
|
Vi var veldig spente når vi reiste til Langevåg tirsdag. Vi var høgt oppe etter den gode kampen mot Emblem, Men det skulle vise seg at Langevåg var på eit heilt anna nivå enn Emblem. Kanskje på eit heilt anna nivå enn alle dei andre laga i denne pulja faktisk.
|
Det var eit lettfota teknisk lag som møtte oss i Langevågen. Dei fann kvarandre fint med pasningane og hadde stor fart.
1-0 kom etter ei kontring etter 4 minutt. Her var dei særdeles gode. En spelar vinn ballen og spelar den raskt og presis framover der 3 spelarar alt har starta for lenge sidan. Desse 3 spring raskt i lengderetning og vi står litt for høgt til å ha sjans til å nå dei att. 3 mot 1 scorer dei sikkert.
Etter 20 minutt kjem 2-0. Langevåg spelar eit forholsvis langt angrep på vår halvdel, og når ein spelar får stå fritt på 5 meter scorer ho sikkert.
3-0 kjem etter nok ei kontring. Denne gangen frå ein av våre cornera. Lynraskt framover, og sikker scoring.
4-0 kjem etter fint spel av Langevåg i det 39 minutt.
Vi har og våre sjanser i denne omgangen, men avslutningane sit ikkje heilt. Litt blir bomma på, og litt tar ein særdeles ballsikker og god Langevågkeeper seg av. Vi går litt skuffa til pause, men blir enige om å fortsette å prøve i 2 omgang.
Vi åpner friskt i 2 omgang. Martine skyt frå 12 meter, og Albertine styrer ballen i mål. Flott mål.
I denne perioden prøver HaNo å ta litt tak i ballen og halde på den. Mellom anna kjem Tea til fleire gode innlegg, men enten er vi litt upresise, eller so tek den gode keeperen alt som kjem.
Det er Langevåg som er dei neste på scoringslista. Det er ein flott soloprestasjon frå ei som får ballen på deira venstreside, går innover i bana og set ballen sikkert bak Helene i målete vårt. 5-1.
Så er det vår tur igjen. Tea får til eit av sine gode innlegg, og Charlotte står på rett plass til rett tid og scorer fint. 5-2.
6-2 kjem etter eit skot som treff stonga, og retur i mål.
Vi har og våre sjanser i denne omgangen, men det er same songen som i første omgang. Ballen stryk uttafor, eller blir redda av den før nemnde svært gode keeperen.
3 gonger til scorer Langevåg. Alle 3 etter veldig godt utførte kontringer, og sluttresultatet blir 9-2.
Ein kan diskutere om det er eit mål eller to for mykje, men at det var det beste laget denne dagen som vann er det liten tvil om.
Eg sto på sidelinja og likte sjølvsagt svært dårlig at det kom relativt mange mål bakover, men synest i grunn at innsats og vilje var til stades hjå våre jenter. Vi hadde vel aldri sjans til å ta poeng i denne kampen mot eit svært godt lag. Og det er det fleire som vil få problem med mot dette laget, det er eg temmeleg sikker på.
Jentene var naturleg nok svært skuffa etter tapet, men når vi kom på ferga var smilet tilbake i dei fleste fjesa. Vi får berre brette opp ermane og trene vidare.
Dette skal bli en god sesong.
|
