|
Tap mot Hessa
|
J16 Hessa – HaNo 3-2 (0-2).
HaNo hadde full kontroll i første omgong, der dei fekk putta 2, og haldt Hessa vekke frå eigen banehalvdel stort sett. Spelarane jobba godt både framover og bakover på bana. Men etter pause tok Hessa kontrollen, og fekk i tillegg ei ufortjent straffe – av ukjent grunn. Dermed enda kampen 3-2 til Hessa. Hanna Sylte stod ein kjempekamp i mål, og redda HaNo frå eitt større tap. Målscorarar HaNo: Veronica Johnsen Flem og Ane Buner.
|
HaNo starta godt, og hadde fleire gode veggspel-angrep og skot på mål. Første målet kom likevel på dødball, Veronica Johnsen Flem la ein god corner som skrudde seg i mål. Litt seinare i omgongen la Cecilie Kalvøy ei god pasning på Ane Buner, som vendte vekk ein Hessa-spelar, kom åleine mot mål og sette ballen i nedre hjørnet. HaNo pressa godt, men Hessa hadde god keeper som redda fleire av HaNo-angrepa.
Etter pause mista HaNo ein viktig spelar – Emily skulle på jobb. Eli Rogne, Veronica Johnsen Flem og Elisabeth Ylving tok over rolla hennar, og gjorde det godt. Men likevel kom ikkje HaNo opp på nivået dei hadde før pause. Dette utnytta Hessa godt, og etter eit frispark og eit angrep stod stillinga 2-2. Hanna Sylte stod som ein vegg i mål, og redda HaNo frå eitt stort tap. Men då dommaren blåste straffe like før slutt var det ikkje stort ho kunne gjere. Ho slengte seg rett veg, og var på ballen – men skotet var hardt og kom seg forbi. Hessa vann litt ufortent 3-2, men HaNo er nøgde med ein god første omgong.
|
