|
Sterkt av damelaget.
|
HaNo sitt damelag heva seg enormt i dag etter det sure tapet (3-0) mot Gursken sist laurdag.
SIF vart slått 5-3 i Nordøyhallen i ein til tider spanande kamp.
|
Kampen opna ganske jamnt med til dels store sjanser på begge sider, men det var HaNo damene som scora først.
Etter innkast satte Cecilie Kalvøy ballen kontant i mål bak ein sjanselaus keeper. Då var det spelt i 19 minutt.
Men det er av sine eigne ein skal ha det seiast det, og tidligare HaNo spelar Julie Longva utligna med eit vakkert skot som gjekk stanga og inn, utagbart for ein god HaNo keeper Lena Otterlei.
Men så var det desse innkasta då. Nytt innkast til HaNo, og Lise Tomren Fjørtoft, kampens store spelar, krangla ballen forbi ein utrusande SIF keeper. 2-1 til HaNo.
Litt seinare vinn Anna Marøy Austnes ballen på høgresida, og legg fint inn til Lise Tomren Fjørtoft som kontrollert scorer sitt andre mål for dagen.
Første omgang sin store prestasjon stod Cecilie Olsen for, då ho vann ballen på eigen halvdel, og forserte i stor fart og sette ballen utagbart til side for SIF keeperen.
Rett før pause reduserte SIF etter litt klabb og babb i HaNo forsvaret.
Ved pause stod det då 4-2 til HaNo.
Andre omgang vart i lang tid ein stillingskrig mellom 2 gode lag, og som i starten på første omgang var det sjanser i begge endar av bana.
I denne fasen av kampen var det kanskje SIF som hadde eit lite spelemessig overtak, men HaNoforsvaret stod godt imot. Og som i første omgang var det HaNo som scora først.
I det 73 minutt får Cecilie Kalvøy ballen på venstre sida. Ho dreg seg innover i bana og sender i veg eit skot som Judith Malen Vestavik får hovudet på, og det står 5-2 til heimelaget.
5 minutt etter dette er det nok en gong Julie Longva som får litt tid på 11 meter, og ho skyt ballen kontrollert i mål.
Alt i alt var dette ein gjenomført god kamp av HaNo. Forsvaret hadde bra kontroll framfor ein god keeper Lena Otterlei. Trude Haram, Eli Rogne og Tone Austnes spelte godt heile kampen.
På midtbana spelte lagkaptein Lise Tomren Fjørtoft nok ein stor kamp for HaNo. Ho var giftig i angrep, og ein klippe i forsvar. Ho vart og HaNo sin toppscorar med sine 2 mål.
I tillegg la Solveig Aknes, Cecilie Kalvøy og Cecilie Olsen ned eit solid arbeid. Dei sprang enormt mykje på HaNo si midtbane i dag.
På topp jobba Anna Marøy Austnes og Judith Malen Vestavik svært hardt, og når ein gjer det er det svært ofte ein vinn fotballkampar.
Det var gøy å slå eit godt SIF lag.
|
