|
Tøff bytur for damelaget.
|
HaNo sitt damelag reiste tysdag til Hessa for å spele kamp. Det gjekk bra i ein time, men so rann det inn litt for mange baklengs.
|
Kampen starta jamnt, og det var litt stillingskrig på Hessa si kunstgrasbane tysdag.
Etter 10 minutt fyrte Kamilla Standal av og skuddet strauk krysset og gjekk desverre over målet. Hessa svarer i det 19 minutt får dei ein ball i stolpen bak Hanna, men stillinga er framleis 0-0.
I det 20 minutt fer kaptein Lise Fjørtoft ballen litt over midten. Ho forserer nokre få meter og fyrer av eit flott skot som snik seg inn heilt ute ved stolpen. 1-0 til HaNo.
Hessa svarer raskt, og berre 2 minutt seinare er utlikninga eit faktum etter at HaNo ikkje greier å klarere etter ein corner.
Alle trur at det vil gå til pause med uavgjort, men Hessa vil det annaleis. I omgangens siste minutt scorer dei på eit skot frå høgresida og kan dermed gå til pause med leiinga 2-1.
Dette var ein ganske jamn omgang, og det kunne like godt ha vore HaNo som leia etter denne omgangen.
I andre omgang vart det mykje Hessa, sjølv om HaNo også hadde sine sjanser.\'
Det seier sitt når Hessa på dei siste 20 minutta scora 7 mål utan at HaNo scora eit einaste, sjølv om vi hadde våre sjanser. Blant anna kom Solveig Aksnes seg framover og fyrte av eit fint skot som keeperen til Hessa gav retur på. Den snappa Kamilla Standal, men avslutninga hennar gjekk desverre på feil side av stolpen.
HaNo spelte bra og kjempa godt i ein time, men litt småskader og det at vi gjekk litt tom for krefter gjorde at 9-1 til Hessa vart sluttresultatet. Nokre mål for mykje etter spel og sjanser, men slik er det.
HaNo: Hanna, Sonja, Trude, Solveig, Judith, Lise, Kamilla, Veronica N, Nathalie og Jeanette.
Mål HaNo: Lise
|
