|
HaNo-siger på overtid
|
Det vart ein underleg fotballkamp på Nordøy-graset måndag. HaNo rundspelte gjestane, men først på overtid avgjorde heimelaget kampen.
|
5.. divisjon:
HaNo-siger på overtid
HaNo – Godøy2/Vigra2: 4 - 3 (1– 1)
Nordøy gras
38 tilskuarar
Mål: 1 – 0 Lars Åkre ( 24 min)
1 – 1 Lars Kristian Austnes ( 35 min)
2 – 1 Lars Petter Haram ( 57 min)
2 – 2 Øyvind Skarseth ( 68 min)
2 – 3 Vegard Halkjelsvik ( 77 min) – sjølvmål
3 – 3 Jan Egil Ulla ( 90 min)
4 – 3 Per Jarle Fjørtoft ( 90 min + 2)
Dommar : Arild Vegsund, Norborg
Gult kort : Michael Austnes, HaNo og Lars Kristian Austnes, Godøy2/Vigra2
Dagens HaNo-spelar: Vegard Halkjelsvik
Laget:
Henrik Åkre, Lars Åkre, Jonas Longva, Michael Austnes, Vegard Halkjelsvik, Asgeir Nogva, Cato Longva, Lars Petter Haram, Åge Flem Ulla, Jan Egil Ulla og Kenneth Ulla.
Desse to hoppa inn frå benken: Per Jarle Fjørtoft og Sondre Steen
Det vart ein underleg fotballkamp på Nordøy-graset måndag. HaNo rundspelte gjestane, men først på overtid avgjorde heimelaget kampen. Gjestane leia nemleg 3 – 2 etter nitti minutt. Ein god dommar Arild Vegsund la heilt korrekt til fem minutt etter skadar og avbrot. Desse fem minutta utnytta HaNo til å skåre to mål. Per Jarle Fjørtoft lykkast endeleg og dermed ein fullt fortent heimesiger.
Både første og andre omgong vart eit einaste stormløp mot gjestemålet. Gode Asgeir Nogva på vestrekanten nærast fora medspelarane med innlegg, men både brørne Kenneth og Jan Egil Ulla og Per Jarle Fjørtoft greidde ikkje å omsette tilboda i mål. Det måtte ein forsvarar til. Etter vakkert samspel med Jan Egil Ulla på venstrekanten, skaut Lars Åkre lavt i lengste hjørne. No venta publikum på fleire mål. I staden utlikna Lars Kristian Austnes då han kjempa eit frisparklegg i mål.
Andre omgong vart som første. HaNo skapte sjansar i fleng etter godt kantspel, men utteljing var dårleg med. Lars Petter Haram skaffa fortent leiing då han styrte eit skot frå Asgeir Nogva i nota bak ein god og heldig Frank Øverås i gjestemålet. Men om HaNo sløste med sjansane, var gjestane svært effektive. Øyvind Skarseth utlikna på eit lav skot, og Vegard Halkjelsvik var uheldig då han vart sist på eit innlegg frå målskårar Lars Kristian Austnes.
Men ein kamp varer til fløyta går for full tid. HaNo gav ikkje opp, og endeleg lykkast brørne Ulla. Kenneth gav ballen til Jan Egil som lurte av ein forsvarar og skåra frå kort hald. Og like etter lykkast endeleg Per Jarle Fjørtoft då han knalla eit innlegg frå Asgeir Nogva i nettaket.
Dermed ein sjeldan fortent heimesiger i ein kamp der HaNo viste vinnarvilje. Det er ein viktig eigenskap i kampen om å delta i sluttspelet om opprykk.
Gunnar Standal
|
